CAMIÑO DE SANTIAGO VIRTUAL: PREPARACIÓN

Comezaremos en breve a nosa andaina pero antes temos que averiguar unhas cousas:

* Que rutas ou camiños existen?
* Por que vou facer o camiño?

Tedes ata o día 2 de outubro para contestar

CAMIÑO DE SANTIAGO VIRTUAL: INSTRUCIÓNS

Ao longo deste trimestre no que imos estudar a historia medieval de Europa imos realizar o seguinte proxecto: O CAMIÑO DE SANTIAGO VIRTUAL. Por razóns obvias, non podemos realizar o Camiño de maneira física polo que o faremos de xeito virtual.

Cada semana eu irei indicando as etapas que imos percorrer, indicando o lugar de inicio e o de chegada, en lugar de indicar as etapas día a día, serán etapas semanais. Tedes que buscar a seguinte información:
* localidades polas que se pasa, evidentemente, por orde xeográfica
* lugares de interese que se poden visitar tanto naturais (fragas, ríos, cumios...) como históricos (igrexas e capelas, catedrais, mosteiros, palacios...)
* calquera outro aspecto que consideredes interesante
* sempre que podamos incluiremos unha fotografía ou o enlace a onde se atopa

Aspectos a ter en conta:
* é un proxecto individual
* as respostas sempre se correxirán na clase, poden facerse por escrito (folios, caderno pequeno exclusivo para o traballo). Podedes tamén deixar a vosa resposta no propio blog. Tede en conta que para que se publique un comentario, este debe ser correcto e ceñirse á pregunta, indicando o nome e o curso. Os comentarios SON REVISADOS por min antes da súa publicación.

CAMIÑO DE SANTIAGO VIRTUAL

O proxecto do CAMIÑO DE SANTIAGO VIRTUAL farémolo a través do BLOG, non a través do Twitte. Indicarei tanto en clase como nunha entrada no blog as instrucións de como facelo usando o blog ou a libreta.

BENVID@S